Бугарскиот крилен центар Александар Везенков го продолжи договорот со Олимпијакос. Везенков го потпиша новиот договор, во присуство на браќата Ангелопулос, директорите на клубот и сега е играч на Олимпијакос до летото 2025 година.
Везенков одигра фантастично во претходните две години во дресот на Олимпијакос и според многумина во моментов е најдобрата „четворка“ во Евролигата.
Бугаринот има 27 години, висок 206 сантиметри, а играч на Олимпијакос е од 2018 година. Претходно играше за Арис и Барселона, а има и грчко државјанство бидејќи е роден во Никозија.
Претходната сезона беше фантастична за него, беше избран во идеалната петорка на Евролигата, беше грчки шампион, како и најдобар стрелец и МВП на националното првенство.
Во тековната сезона тој е еден од најдобрите играчи во Евролигата – просечно бележи 19,2 поени, 7,2 скока, 2 асистенции и 1,3 украдени топки по натпревар.
Везенков е драфтуван во 2017 година како 57. пик, во моментов правата на него ги поседуваат Сакраменто Кингс.
🚨🚨 OFFICIAL | #OlympiacosBC announces the extension of its cooperation with Sasha #Vezenkov until 2025.#Basketball #WeAreOlympiacos #TogetherWeFight #Baloncesto #Esake #Euroleague pic.twitter.com/3fmqTDW5Nw
— alessio teresi (@alessioteresi1) January 2, 2023