Популарниот фудбалски магазин „FourFourTwo“, објави листа на најдобрите фудбалери на сите времиња. Списокот привлече големо внимание кај фудбалските фанови кои како и многу пати досега се расправаат на социјалните мрежи.
Во фудбалот секогаш ќе има дебати за тоа кој е најдобар во историјата, а оваа тема е уште поактуелна деновиве, откако Лионел Меси со Аргентина стана светски првак.
Токму затоа многумина веруваат дека Аргентинецот си го обезбедил тој статус.
Досега главно се разговараше дали е подобар Диего Марадона или Пеле, а во последните десет години во приказната се вклучија и Меси и Кристијано Роналдо.
Откако Меси ја предводеше Аргентина до третата титула на Светското првенство во Катар, прва по 1986 година и Диего Марадона, популарниот портал го стави на првото место.
Пред неговиот сонародник Марадона, додека на третото место е Роналдо, пред неодамна починатиот Пеле.
Во првите пет е и Зинедин Зидан, на шестото место е Јохан Кројф, а зад него се Џорџ Бест, Франц Бекенбауер, Ференц Пушкаш и Бразилецот Роналдо.
The all-time top 10 best players, according to @FourFourTwo
🇦🇷 1) Lionel Messi
🇦🇷 2) Diego Maradona
🇵🇹 3) Cristiano Ronaldo
🇧🇷 4) Pele
🇫🇷 5) Zinedine Zidane
🇳🇱 6) Johan Cruyff
🇬🇧 7) George Best
🇩🇪 8) Franz Beckenbauer
🇭🇺 9) Ferenc Puskas
🇧🇷 10) Ronaldo Nazario pic.twitter.com/YC8UtPnO0u— SPORTbible (@sportbible) January 3, 2023