Минатогодишниот победник на релито „Дакар“, Насер Ал-Атијах (Тојота) ја забележа втората етапна победа, бидејќи беше најбрз на петтата етапа од натпреварувањето во Саудиска Арабија.
Како и во средата, така и денеска натпреварувачите возеа околу градот Хаила, а од 646 поминати километри, 375 километри беа во формат на специјални тестови.
Катарецот, кој забележа четири победи на „Дакар“, тестовите ги помина за 4 часа, 13 минути и 23 секунди, надминувајќи го Шпанецот Карлос Саинц во Ауди за една минута и 57 секунди.
Третата позиција му припадна на друг возач на „Ауди“, Французинот Стефан Петерхансел, кој заостана 3:44 минути зад победникот.
Победникот на вчерашната етапа Французинот Себастиен Леб (Продрив БРХ) загуби дополнителни 20 минути откако се преврте во една од дините.
Повеќекратниот рели шампипн на крајот заврши со деветто време со 19:58 минути заостанување зад Ал-Атијах.
De la grosse attaque toute la spéciale pour tenter d’accrocher une deuxième victoire mais une petite erreur sur une dune et on perd quasiment 20 minutes 😬 #BRX #DakarRally #BFGoodrich #RedBull #SFR #RichardMille #Vulcanet #Sparco #indianmotorcyclefrance pic.twitter.com/vaHAg51Mkj
— Sébastien Loeb (@SebastienLoeb) January 5, 2023
Во генералниот пласман Ал-Атијах има 22:36 минути предност пред второпласираниот Петерхансел, додека Саудиецот Јазид Ал Раџи е на третото место со 27:01 минута заостанување. Возачот на Овердрајв денеска го имаше четвртото најбрзо време, но заостана осум минути и 43 секунди зад Ал-Атијах.
Релито Дакар утре продолжува со шестата етапа која ќе биде долга 876 километри и ќе се вози од Хаил до Ад Давидми. Од оваа делница организаторите подготвија 466 километри специјални тестови.
Изненадувањето на денот го приреди Адријан ван Беверен на Хонда, кој победи на петтата етапа во конкуренција на мотоцикли. За 32. годишниот ас тоа беше прва победа во кариерата на Дакар, а славеше со 13 секунди предност пред клупскиот колега Чилеанецот Хозе Игнасио Флорим. Американецот Мејсон Клајн на КТМ го освои третото место со нешто повеќе од 5 минути заостанување.
Stage win for @A_Vanbeveren at @dakar congrats 👏 what a day!!! pic.twitter.com/toOy7zYGcW
— Monster Energy Honda (@RallyTeamHRC) January 5, 2023
Лидерот во генералниот поредок, уште еден Американец, Скајлер Хаус, го зазеде шестото место, па моментално има само 44 секунди пред Аргентинецот Бенавидес, кој етапата ја заврши на седмото место. Третото во вкупниот пласман е Клајн со заостанување од 1:44 минути.