Првиот светски рекет, Карлос Алкараз, го откажа учеството на Австралија опен. Младиот шпански тенисер изјави дека нема да игра бидејќи се повредил на тренинг.
„Работев напорно за да бидам во добра форма во Австралија, но за жал нема да можам да играм во Кујонг, а потоа и на Австралија опен. Тешко е, но морам да бидам оптимист, да се опоравам и да гледам напред. во 2024 година на Австралија опен“, изјави Алкараз.
Младиот Шпанец откри и како се повредил.
„Се повредив правејќи неприродно движење на тренинг. Овој пат се работи за повреда на мускулот на десната нога”, напиша Алкараз на Твитер.
Неговото повлекување автоматски значи дека улогата на прв носител во Мелбурн ќе ја има бранителот на титулата, Рафаел Надал.