Промените во примената на ВАР технологијата, имаше практична примена на Светското клупско првенство. Меѓународниот одбор претходно ја одбри промената.
Ал Ахли го совлада Оукленд, но она што посебно ќе го паметиме од овој натпревар е ситуацијата во која главниот судија на натпреварот го примени ново правило, односно на гледачите на стадионот и оние крај малите екрани им ја образложи својата одлука.
Натпреварот навлегуваше во судиското продолжение кога главниот судија, Кинезот Ма Нинг, врз основа на видеото што го погледна, ја промени одлуката за пенал во слободен удар, а потоа сето тоа убаво им го објасни на навивачите и гледачите.
Дефанзивецот на Окленд Адам Мичел го собори Тахер Мохамед на работ од шеснаесетникот, а судијата Ма Нинг покажа на белата точка. Меѓутоа, од ВАР собата му сугерираа да ја погледне целата ситуација.
Снимката покажа дека фаулот е направен надвор од шеснаесетникот, Нинг извесно време го гледаше видеото, па објасни зошто ја променил одлуката. Заедно со промената на одлуката за претворање на пеналот во слободен удар, Нинг му покажа и црвен картон на Мичел „поради прекршок во чиста шанса за гол“.
A world first in football at the Club World Cup. Chinese referee Ma Ning addresses the crowd after a VAR review.
Original decision – Penalty
Changed to DOGSO Red as challenge was outside the box#var #ClubWorldCup pic.twitter.com/3tx8xcErdJ— REFSIX (@refsix) February 1, 2023