Манчестер јунајтед ќе играат во полуфиналето на англискиот ФА куп против Брајтон, додека Манчестер сити ќе се судрат со Шефилд јунајтед, откако „ѓаволите“ во интересен натпревар го искористија моментот на лудост на Вилијан и Александар Митровиќ да стигнат до пресврт 3:1 победа над Фулам.
Митровиќ прво ги „замрзна“ домашните фанови во 50. минута носејќи предност за гостите, и „ѓаволите“ имаа проблем да ја срушат одбраната на Фулам до 72. минута, кога по една брза акција, Џејдон Санчо се најде во одлична ситуација пред голот на Фулам, но неговиот обид заврши во раката на Вилијан.
По прегледувањето на ВАР снимката беше досуден пенал, а Вилијан доби црвен картон, по што Митровиќ лудо реагираше и го турна судијата, исто така добивајќи црвен картон. И менаџерот на Фулам, Марко Силва доби црвен картон!
MITROVIC RED CARD! 🟥 #MUNFULpic.twitter.com/3929mXoNcs
— The Premier League Club (@TPLCSports) March 19, 2023
По ова, Бруно Фернандеш сигурно го реализираше пеналот за израмнување, за само две минути подоцна во 77. минута, Марсел Забицер да постигне убав гол за 2:1 водство, пред Фернандеш во 97. минута да постигне уште еден гол за потврда на пласманот во полуфинале.