Тренерот на Интер, Симоне Инзаги по мечот со Бенфика изјави дека на неговиот тим му треба уште еден одличен натпревар за да се пласира во полуфиналето.
Фудбалерите на Интер ја победија Бенфика на гости со 2:0 во првиот натпревар од четврт-финалето на Лигата на шампионите.
„Имав големи очекувања за овој натпревар, бидејќи тимот играше добро, создаваше многу шанси, и покрај тоа што не победувавме. Момците одиграа одлично против многу силен тим, на тешко гостување, во неверојатна атмосфера. Сепак, знаеме дека ова е само еден натпревар, а Бенфика веќе покажа оваа сезона дека може да игра добро секаде. Затоа треба уште еднаш да одиграме одлично за да стигнеме до полуфиналето“, рече Инзаги.
Реваншот се игра на 19 април во Милано.