Италијанскиот тренер Роберто де Ѕерби постојано ја зголемува својата репутација на одличен модерен тренер, а по 6:0 победата на неговите Брајтон над Вулверхемптон изјави дека тоа му е најдобриот меч во кариерата.
Поранешниот тренер на Беневенто, Сасуоло и Шахтјор Доњецк го презеде Брајтон на 18 септември 2022, кога Греем Потер потпиша со Челси и додека Англичанецот веќе доби отказ од Челси, Де Ѕерби ги воодушеви англиските фудбалски фанови со својот стил на игра, со пласман во полуфиналето на ФА купот и со прекрасен напаѓачки фудбал.
„Не сум имал подобар меч во кариерата како тренер. Навикнат сум да гледам високо ниво на фудбал во Премиерлигата, но мислам дека во моментов и ние играме на посебно високо ниво. Моите момци се научија да играат 90 минути против било кој тим без да мислат на резултатот. Ако водиме со 3:0, тоа не треба да смени ништо во нашата игра. Тоа е менталитетот кој го барам од нив“, вели Де Ѕерби.
🗣️ "I am lucky to work with these players." 💙
Roberto De Zerbi praises his Brighton team after a huge 6-0 win over Wolves pic.twitter.com/X8vKn7Hq3u
— Football Daily (@footballdaily) April 29, 2023