Кошаркарите на Блокотехна го задржаа максималниот учинок во домашното првенство и по четвртото коло, откако вечерва во дербито во СЦ „Јане Сандански“ го совладаа актуелниот првак МЗТ 77-85 (13-23, 20-23, 24-21, 20-18).
МЗТ и на овој меч демонстрираше одредени слабости во играта, одбраната не функцинираше, што гостите од Гевгелија знаеја да го казнат. Блокотехна во најголем дел од натпреварот имаше двоцифрене предност, а МЗТ во ниту еден момент не успеа да ја оспори победата на гостинскиот состав.
По четири кола Блокотехна заедно со Работнички и Готивар има исто толу победи, додека МЗТ има две победи и исто толку порази.