Кошаркарите на МЗТ го победија Работнички со 82:71 (13:16, 21:14, 22:20, 26:21), во првиот полуфинален натпревар од плеј-офот во домашното првенство. Актуелниот шампион отпорот на екипата од Градски парк го скрши во последната четвртина.
МЗТ, потешко од очекувањата, славеше против Работнички и дојде на чекор до пласман во финалето. Три и пол четвртини Работнички беше во игра, прашањето околу победникот МЗТ го реши со серија 1:0 на пет минути до крајот кога за прв пат на натпреварот создаде двоцифрена предност.
Работнички ја доби првата четвртина, а на почетокот на втората ја имаше најголемата предност од шест поени (13:19). Сепак МЗТ со серија 7:0 во финишот на полувремето го презеде водството и на пауза замина со позитива од четири поени.
Во третиот период благодарение на „подолгата“ клупа МЗТ го контролираше ритамот и во решавачкиот период влезе со 56:50. Во 25 минута МЗТ ја започна серијата 11:0 со која го реши прашањето на победникот.
Дамјан Стојановски со 14 поени и 11 скока го предводеше МЗТ. Во домашниот тим двоцифрени беа уште неговиот брат Војдан со 12 поени, Американците Вер и Кук постигнаа по 13, а Бурсаќ 11 поени.
Џелетовиќ се истакна кај Работнички со 19 поени и девет скока, по 16 поени постигнаа Нотиџ и малешевиќ.
Вториот меч од серијата ќе се одигра во среда, во СРЦ Кале.
Фото/kfsm.mk