Top Sport

Facebook Twitter

Ленс има повеќе играчи од ПСЖ во идеалниот тим на Лига 1

Фудбал / 27.05.2023

На две кола пред крајот на француската Лига 1, Пари Сен Жермен обезбеди нова шампионска титула.

Француската Лига 1 го избра идеалниот тим оваа сезона и во него се најголемите ѕвезди на ПСЖ, но нема ниту еден од нивните соиграчи. Исто така нејасно е како Нејмар, кој не игра од февруари се најде во идеалниот тим.

Интересно, вицешампионот Ленс има повеќе играчи во најдобриот тим, дури четворица. Голамнот Брис Самба, десниот бек Пжемислав Франковски, стоперот Кевин Дансо и фудбалерот од редот за врска, Абдул Самед.

Покрај играчите на ПСЖ и Ленс, свои претставници во идеалниот тим имаат и Олимпик Марсеј, Клермон, Тулуз и Олимпик Лион.

Шансел Мбеба од Марсеј прави стоперски тандем со Дансо, Нето Борхес од Клермон е лев бек, Бранко Ван ден Бомен од Тулуз е во средината, додека капитенот на Лион и најдобар стрелец на шампионатот, Александре Лаказет го предводи нападот.

Scroll to Top