Македонскиот репрезентативец Александар Трајковски постигна прекрасен гол за Палермо во мечот од Серија Б против Кремонезе, но неговиот тим мораше со гол во 89. минута да спасува 2:2 реми во второто коло во италијанската втора лига.
Трајковски стрелаше од дваесетина метри во 25. минута, со удар кој не се бранеше за да донесе водство за тимот од Сицилија, меѓутоа во второто полувреме, гостите прво израмнија преку Стрефеца во 64. минута, за потоа да дојдат во водство во 82. минута преку Романецот Василе Могош. Бод за Палермо донесе дефанзивецот Антонио Мацота во 89. минута.
Илија Несторовски, кој уште се опоравува од повредата, влезе во игра во 72. минута, но не успеа да постигне гол.