Македонскиот кошаркарски репрезентативец Ненад Димитријевиќ има понуда кариерата да ја продолжи во турскиот гигант Фенербахче, откри весникот „Милијет“. Според овој извор, еден од најдобрите европски тренери Димитрис Итудис, лично се заложил да го доведе одличниот кошаркар во Истанбул.
Фенербахче веќе има испратено официјална понуда, а Димитријевиќ треба набрзо да одговори. Тој, сепак, има уште неколку одлични понуди за продолжување на кариерата.
Итудис сезонава на плејмејкерската позиција во тимот ги има Ник Калатес и Американецот Едвардс, но тренерот на Фенербахче верува дека досгешаниот кошаркар на Уникс Казан може да го подобри квалитетот на тимот за следната сезона.
