Шпанскиот тенисер Карлос Алкараз, кој е светски рекет број еден во моментoт, ќе биде прв носител на годинашното издание на Вимблдон, објавија организаторите на гранслем турнирот.
Седумкратниот освојувач Новак Ѓоковиќ и рекордер по бројот на освоени гранслем трофеи, ќе биде втор носител, а потоа следуваат Русинот Данил Медведев, Норвежанец Каспер Руд и Гркот Стефанос Циципас.
Во првата „десетка“ се и Данецот Холгер Руне, Русинот Андреј Рубљов, Италијанецот Јаник Синер, како и Американците Тејлор Фриц и Френсис Тијафо.
Кај дамите, Ига Швјонтек од Полска е прва носителка, втора е Арина Сабаленка од Белорусија, а трета е Елена Рибакина, која настапува под знамето на Казахстан.
Introducing your Ladies’ and Gentlemen’s singles top 10 seeds at #Wimbledon pic.twitter.com/rwt9EIl1Y2
— Wimbledon (@Wimbledon) June 28, 2023