Top Sport

Facebook Twitter

Аспиликуета по 11 години во солзи замина од Челси и потпиша за Атлетико

Фудбал ТОП Makfax / 06.07.2023

Челси се збогуваше со својот капитен, Цезар Аспиликуета, кој потпиша двегодишен договор со Атлетико Мадрид, заминувајќи си по 11 години и над 500 настапи за „сините“.

33-годишниот дефанзивец пристигна на „Стемфорд Бриџ“ од Олимпик Марсеј во 2012 година, и ги освои сите титули со Челси, заминувајќи си една година пред крајот на неговиот договор.

„Цезар си заминува како воин, шампион и легенда на Челси. Тој ги постави стандардите на клубот повеќе од една деценија“, вели газдата на Челси, Тод Бели.

Аспиликуета е само еден од низата фудбалери кои заминаа од Челси – Калиду Кулибали, Н’Голо Канте и Едуар Менди заминаа во Саудиска Арабија, додека Каи Хаверц, Матео Ковачиќ и Мејсон Маунт заминаа во ривалите од Премиерлигата.

Scroll to Top