Британскиот тенисер Нил Скупски и Холанѓанецот Весли Колхоф го освоија трофејот на Вимблдон во конкуренција на машки двојки.
Тие во финалето во Лондон ја совладаа шпанско-аргентинската двојка Марсело Гранољерс и Хорасио Себаљос со 2:0, по сетови 6:4, 6:4.
Натпреварот траеше еден час и 18 минути. Скупски и Колхоф направија по еден брејк во секој сет и ја освоија својата прва заедничка Грен слем титула.
Нивните противници имаа само една брејк точка која не ја искористија.
Скупски стана само вториот британски тенисер во опен ерата кој ја освоил титулата во машки двојки на Вимблдон, по Џонатан Мареј во 2012 година.
„Ова чувство не може да биде подобро од ова“, изјави Скупски.
Гранољерс и Себаљос по трет пат играа во финале на Грен слем и се уште се без титула, беа поразени Ју-ес опен во 2019 година и на Вимблдон во 2021 година.