Изминатата ноќ беше преполна со подготвителни натпревари на најдобрите европски екипи.
Во сенка на дуелот помеѓу Јувентус и Реал Мадрид, Челзи ремизираше со Борусија Дортмунд 1:1 во Чикаго.
Речиси 50.000 навивачи го видоа првиот гол се до 80. минута кога Мариус Волф ја доведе Борусија во водство. Сепак, на една минута пред крајот на мечот, Мејсон Барстоу израмни за „сините“.
Од друга страна, фудбалерите на Атлетико Мадрид и Реал Сосиедад не им понудија ништо на 38.000 гледачи во Монтереј.
Одиграа разочарувачки 0:0, а Мемфис Депај ја пропушти најдобрата шанса за гол на десет минути пред крајот.
Холанѓанецот промаши пеналот за Атлетико, кој играше во натпреварувачки стил, со само 47% посед на топка и само четири удари кон голот.
Ниту Баскијците не беа поконкретни, ја имаа повеќе топка во своите нозе, но само двапати му се заканија на Јан Облак.
Во меѓувреме, навивачите во Гвадалахара го следеа дуелот меѓу градските ривали Севилја и Реал Бетис.
Севилја славеше со минимален резултат, со гол во судиското надополнување. Голот го постигна Јусеф Ен Несири.