Карло Анчелоти ќе ја преземе функцијата селектор на Бразил, а Реал Мадрид на крајот од сезоната ќе мора да бара нов тренер. Радио Марка веќе објави дека потрагата по него е завршена и дека Реал следната сезона ќе го води актуелниот тренер на Баер Леверкузен, Чаби Алонсо.
Реал мора да му плати отштета на Баер за тренерот, бидејќи Шпанецот има договор со германскиот клуб до 2026 година. Алонсо е еден од најдобрите играчи од средниот ред во историјата на Реал, одигра 246 натпревари за мадридскиот клуб и освои се што може да се освои на клупски план. .
Алонсо е тренер на Баер од октомври минатата година. Тој го презеде клубот по осум кола кога беше претпоследен на табелата и го искачи на шестата позиција и избори место во полуфиналето на Лига Европа. Неговиот тим моментално е трет во поредокот, со четири победи и едно реми по пет одиграни натпревари. Тој ги коментираше гласините за преземање на Реал.
„Сега сме во месец септември, прерано е да се зборува за тоа. Така што сега не може тоа да биде тема. И играчите и јас знаеме како оди оваа работа, нема проблем. Се уште не сме разговарале за тоа“, рече тој.
Foto/ EPA