Бразилскиот Гремио синоќа во натпреварот од 30. коло на локалната Серија А славеше со 4:3 на гостувањето кај Америка Минеиро, а во редовите на клубот од Порто Алегре брилјираше 36-годишниот Луис Суарез. Легендарниот Уругваец постигна гол и асистираше на две за да го заврши неверојатниот подвиг.
Тој сега има 550 гола и 301 асистенција во својата приказна за кариера. Суарез важи за еден од најдобрите напаѓачи на сите времиња. На клупски план освои се, а во периодот од 2010 до 2019 година е единствениот фудбалер кој ја прекина доминацијата на Меси и Роналдо во борбата за Златната копачка, а тоа го направи два пати.