Данило Д’Амброзио со гол на десетина минути пред крајот му донесе на Интер 2:1 победа над Фиорентина во првиот меч од шестото коло од Серија А за да ги искачи „нераѕурите“ на петтото место на табелата пред утрешното комплетирање на колото.
Тимот на Лучано Спалети дојде во водство во финишот на првото полувреме, кога капитенот Мауро Икарди беше сигурен од белата точка, но Виола се врати во игра на стартот на второто полувреме, кога Милан Шкринијар си постигна ефективен автогол.
Сепак, трите поени останаа на „Сан Сиро“, откако Д’Амброзио најдобро се снајде во шестнаесетникот на гостите во 79. минута од мечот.