Дизелдорф арената откако беше домаќин на Евровизија и место каде беше соборен светскиот рекорд по број на навивачи на еден ракометен натпревар, дојде време мултифункционалниот стадион за прв пат да биде сцена на големо фудбалско натпреварување.
Капацитетот на „Дизелдорф арената“ за натпреварите на Европското првенство е 47.000 седишта.
Изградбата на модерниот дом на фудбалерите започна во 2002 година и траеше две години. Новиот објект е изграден на местото на некогашниот „Рајнестадион“, во близина на реката Рајна.
Стадионот има подвижен покрив и систем за греење, па во текот на целата година е удобен и мултифункционален објект кој освен фудбалски натпревари може да биде домаќин на многу други настани.