Австралијците Метју Ебден и Џон Пирс го освоија златниот медал во машка конкуренција на Олимписките игри во Париз.
Во извонредното финале на стадионот „Филип Шатрие“, Австралијците ги победија Американците Крајичек и Рам со 6:7, 7:6, 10:8.
Крајчек и Рам први стигнаа до брејк и поведоа во првиот сет со 4:2. Сепак, Австралијците веднаш возвратија и повторно го израмнија мечот. Одлуката падна во тај брејкот во кој Крајичек и Рам ја искористија третата сет топка за 1:0 во сетови.
Американците имаа брејк предност и во вториот сет. Повторно имаа 4:2, но го испуштија. Следуваше тај брејк во кој Австралијците овојпат доминираа и го израмнија резултатот со 7:1.
Во супер тај брејкот одлучи серијата на Ебден и Пирс кога од 3:2 дојдоа до 7:2. Американците се доближија на 9:8, но Австралијците ја реализираа третата меч топка за големо славје.