Фудбалскиот клуб Баерн Минхен соопшти дека првите дијагнози за повредата на напаѓачот Хари Кејн се „позитивни“.
Кејн се повреди во саботата на натпреварот против Баер Леверкузен (1:1) во Бундеслигата. Тешко чекореше кога го напушти теренот во 86. минута, по еден дуел со играчот на Баер, Амин Адли.
Баерн изјави дека Кејн добил „болен удар во скочниот зглоб“, но дека лекарските прегледи утврдиле дека „развојот на настаните е позитивен“, објави Би-би-си.
Клубот од Минхен во среда гостува во Бирмингем против Астон Вила, а Кејн по натпреварот против Баер изјави дека ситуацијата не е толку лоша и дека очекува да игра на „Вила Парк“.