Кошаркарите на Денвер Нагетс, одиграа уште еден драматичен меч и ја совладаа Оклахома со резултат 124:122. Ова е прв пораз за Оклахома во новата сезона. Кај Денвер блескаа Никола Јокиќ и Расел Вестбрук, но клучните улоги ги имаа Мајкл Портер јуниор и Кристијан Браун.
Јокиќ уште еднаш брилјираше, го забележа четвртиот трипл-дабл сезонава, овојпат со 23 поени, 20 скока и 16 асистенции.
Расел Вестбрук беше најефикасен со 29 поени, тоа беше и негова најдобра партија во дресот на Денвер.
Но, клучните улоги ги имаа Мајкл Портер Јуниор и Кристијан Браун, двајцата постигнаа по 24 поени.
Портер постигна 21 од 24 поени во второто полувреме.
Денвер играше без повредените Арон Гордон и Џамал Мареј, а во финишот Пејтон Вотсон од трагичар се претвори во херој во само десет секунди.
Во драматичната завршница, при резултат 124:122, Вотсон промаши две слободни фрлања со што пропушти да ја потврди победата на Нагетс.
Следуваше последниот напад на Тандер, топката ја имаше Шаи Гилџис Александер, кој тргна на положување, но беше блокиран од Вотсон Тоа беше кулминација на напната кошаркарска драма, голем триумф за Денвер и реванш за поразот во првиот натпревар во новата сезона.
Гостите во третата четвртина водеа со 16 разлика, на крајот го доживеаја првиот пораз во сезоната. најефикасни беа Џејлен Вилијамс со 29 и Гилџис-Александер со 28 поени.
Без пораз сега се само Кливленд Кавалирс. Кливленд на гостински терен го совлада Њу Орлеанс со 131:122. .
Најефикасни во тимот на Кливленд беа Донован Мичел со 29 поени, Џерет Ален со 16 поени и 14 скока и Карис Леверт со 16 поени.
Во тимот на Њу Орлеанс најефикасен беше Зион Вилијамсон со 29 поени, заедно со осум скока, Хозе Алварадо со 27 поени и Брендон Инграм со 20 поени.
Кливленд ги има сите девет победи, додека Њу Орлеанс има три победи и шест порази.
Резултати:
Шарлот – Детроит 108:107
Индијана – Орландо 118:111
Атланта – Њујорк 121:116
Бостон – Голден Стејт 112:118
Хјустон – Сан Антонио 127:100
Мемфис – Лос Анџелес Лејкерс 131:114
Њу Орлеанс – Кливленд 122:131
Далас – Чикаго 119:99
Денвер – Оклахома 124:122
Феникс – Мајами 115:112
Лос Анџелес Клиперс – Филаделфија 110:98
Сакраменто – Торонто 122:107