Фудбалерите на Ливерпул го совладаа Манчестер сити на „Енфилд“ со резултат 2:0 во дербито од 13. коло од Премиер лигата.
Актуелниот шампион ја продлабочи кризата, по пет последователни порази, одиграа нерешено со Феенорд, а сега им се вратија на поразите. Сити е без победа на последните седум натпревари.
По овој натпревар Ливерпул има 11 бодови повеќе од Манчестер сити. „Граѓаните“ се петти на табелата. Ливерпул на првото место има девет поени повеќе од Арсенал и Челси.
Победникот на „Енфилд“ го решија головите на Коди Гакпо во 12. и Мохамед Салах во 78.минута.