Кошаркарскиот клуб Реал Мадрид ја прекина соработката со зимското засилување Денис Смит Јуниор, додека поранешниот НБА шампион Серж Ибака исто така ќе се раздели со шпанскиот клуб.
Смит (27) деветти пик на НБА драфтот во 2017 година е поранешен играч на Далас Маверикс, Њујорк Никс, Детроит Пистонс, Портланд Трејл Блејзерс, Шарлот Хорнетс и Бруклин Нетс.
Плејмејкерот имаше просек од 9,7 поени, три скока, 4,2 асистенции и 1,2 украдени топки во 326 натпревари.
Реал ја прекина соработката со поранешниот студент на универзитетот Северна Каролина бидејќи Смит не сакаше да отпатува на неодамнешниот Копа дел Реј во Лас Палмас. Избраниците на Чуса Матео беа поразени во финалето од Уникаха.
Смит одигра два натпревари за Реал во Евролигата и постигна вкупно осум поени.
Ибака побара да го напушти Мадрид поради третманот што го има кај тренерот Матео.
Тој се приклучи на тимот во текот на летото, но имаше епизодна улога во тимот и дури не доби шанса да игра на некои натпревари. Ибака оваа сезона во Евролигата имаше просек од 6,8 поени и 3,3 скока.
Ибака беше избран на драфтот во 2008 година како 24. пик. Играше за Потоа беше донесен од Сиетл Суперсоникс, кој набрзо стана Оклахома Сити Тандер.
Прво играше за шпанскиот тим Хоспиталет, потоа за Манреса, а потоа за НБА Тандер, Орландо Меџик, Торонто Репторс, Лос Анџелес Клиперс и Милвоки Бакс, пред да се приклучи на Баерн, за кого играше во сезоната 2023/24.
Со репрезентацијата на Шпанија беше европски првак во 2011 година, а една година подоцна освои сребрен медал на Олимписките игри во Лондон.
Реал е на 11. место во поредокот во Евролигата со 13 победи и 13 порази.