Хокеарите на Флорида Пантерс одиграа уште една одлична сезона и ја одбранија титулата шампион на НХЛ.
Пантерс, како и минатата година, беа подобри од Едмонтон Ојлерс. Пантерс победија во шест натпревари.
Флорида, во финалната серија ја предводеа Сем Рајнхарт, Метју Ткачук и Картер Верхеги со по 23 поени, додека Сем Бенет и капитенот Саша Барков имаа по 22 поени.
Тие ги победија Ојлерс со 5:1 во шестиот натпревар и ја добија серијата со 4-2 и го освоија трофејот од Стенли Купот.
Тимот, следејќи ја традицијата стара неколку децении, славеше со Стенли Купот до раните утрински часови, а забавата продолжи во текот на наредниот ден во Форт Лодердејл, а играчите на Флорида Пантерс го скршија трофејот.
Портпаролот на Хокејската сала на славните изјави дека чуварите на трофејот ги преземаат сите потребни чекори за трофејот да биде поправен на време за парадата на шампионатот во недела.
Направен од легура на сребро и никел, Стенли Купот тежи околу 17 килограми и релативно лесно се деформира, што овозможува брзи поправки по интензивни прослави.
Оштетувањето не е ништо ново за 131-годишниот сребрен трофеј, кој во текот на својата долга историја завршил во базени, во Атлантскиот Океан…
Капитенот на тимот, Александар Саша Барков, бил толку воодушевен што ги разбудил соседите за да им го покаже трофејот.
Како што може да се види во приложеното видео, Барков ѕвони на вратата на соседите во 5 часот наутро и го покажува трофејот од Стенли Купот.
Barkov went and woke up his neighbors to show them The Stanley Cup.
byu/No-Environment6103 inhockey