Тренерот на Наполи, Карло Анчелоти, откри што треба да се случи за Лоренцо Инсиње да ја добие „десетката“ во Наполи. Инаку, од почит кон Диего Армандо Марадона, ниту еден играч не ја добил „десетката“.
Тренерот Анчелоти, на прес конференцијата пред гостувањето на неговиот тим кај Удинезе, открил дека Инсиње нема да биде во составот, поради повреда.
„Многу подобро од мене знаете што се Марадона има направено за клубот. Мислам дека тој треба да го дозволи тоа“.
Инаку повредата на Инсиње не е сериозна, а Анчелоти ќе го одмори за натпреварот против ПСЖ во Лигата на шампионите.
Анчелоти проговорил и за младиот играч на Каљари Никола Барела. Овој 21 годишен фудбалер ќе биде трансфер цел на неколку големи екипи.
„Тој е сигурно посилен од младиот Карло Анчелоти, тој е играч за силен тим. Ќе ви кажам тој е играч за Наполи“, рекол Карло Анчелоти.