Поранешниот играч од средниот ред на Челзи, сега стручен коментатор на „ESPN“, Крег Барли, остро го критикуваше капитенот на Ливерпул, Вирџил ван Дајк. Тој тврди дека формата на Холанѓанецот е најголемиот проблем што го мачи тимот оваа сезона. Реакцијата на Барли дојде откако Ливерпул неочекувано одигра нерешено (1:1), на домашен терен против Сандерленд.
Шкотскиот аналитичар истакна дека премногу внимание се посветува на другите играчи, додека проблемите на Ван Дајк се занемаруваат.
„Преку глава ми е да седам тука и да слушам луѓе како велат дека Мо Салах не игра добро, дека Флоријан Вирц не се снаоѓа во новиот клуб, за Александар Исак, Екитике и дека динамиката на средниот ред се променила. Ван Дајк е барометар за тоа што не е во ред оваа година“, нагласи Барли.
„Тој треба да биде лидер. Цела го фрла Керкез под автобус и ги крева рацете во воздух. Тој прави исто толку грешки како и секој друг играч. На секој натпревар, можете да го гледате и да се прашувате што прави.“
Берли верува дека Ван Дајк е директно одговорен за голот што го постигна Чемсдин Талби (Сандерленд).
„Тој прави сè погрешно. Додава, не го затвора просторот и го врти грбот како кукавица. Тоа е едноставно апсолутно лудо. Никој не го критикува и вината е на сите други.“
Foto/ EPA