Манчестер Сити е сè уште во криза бидејќи по поразот во градското дерби против Јунајтед, загубија и од Бодо/Глимт во Лигата на шампионите. „граѓаните“ на северот на Норвешка доживеаја шокантен пораз 3:1.
Менаџерот на Сити, Пеп Гвардиола, тврди дека повредите и разните отсуства се проблем за неговиот тим. Тоа е факторот што го прави Сити неспособен да игра како што треба. Јошко Гвардиол, Матеуш Нуњеш, Рубен Дијаш, Џон Стоунс, Матео Ковачиќ, Оскар Боб, Савињо, Нико Гонзалез се повредени.
„Против Манчестер Јунајтед бевме разнесени, но не и денес. Сепак, кога ги немаме Савињо и Доку како крила… Проблемот е што немаме девет важни играчи кои ни ја даваат таа конзистентност. Боде/Глимт беа добро организирани, со формацијата 4-4-2 беа блиску еден до друг, тогаш мора да играте преку крилата, а немавме крила кои би можеле да играат еден на еден со нив… Затоа имавме проблеми, но генерално играа како традиционален тим, како што играат екипите од северот на Европа“, рече Гвардиола.
„Сè почна да оди против нас од Нова Година. Знам колку добар тим се, играа полуфинале во Лига на Европа минатата година… Имаа свој план, а ние дојдовме без некои важни играчи, оное кои ни даваат конзистентност“, додаде шпанскиот стручњак.
Сити моментално е седум бода зад Арсенал во Премиер лигата, а во следната рунда ќе игра против Вулверхемптон, кој е убедливо најлошиот тим во лигата. Во Лигата на шампионите, следниот ривал е Галатасарај.
„Мора да се вратиме на победите. Резултатите не се добри во Премиер лигата. Мора да продолжиме понатаму, ни следуваат Вулверхемптон и Галатасарај. Чувството е дека ништо не оди како што треба. Како сè да оди против нас, ќе се обидеме да го промениме тоа.“
Foto/ depositphotos