Реал Мадрид итно треба да ги реши проблемите во одбраната, а како решение за краткорочна и долгорочна стабилност, раководството на клубот го гледа Кристијан Ромеро.
„По низа лоши резултати, вклучувајќи испаѓање од Купот на кралот и неуспех во Лигата на шампионите, претседателот Флорентино Перез одлучи да му понуди на Тотенхем дури 100 милиони евра за аргентинскиот стопер со цел да ја спаси сезоната“, пишува „Fichajes.net“.
Долгорочната повреда на Едер Милитао остави празнина што играчите од младинскиот тим не можеа да ја пополнат. Раул Асенсио покажа дека не е на потребното ниво, додека Дин Хаусен нема искуство. Покрај тоа, ниту Антонио Ридигер ниту Давид Алаба не успеаја да одржат континуитет, борејќи се со повреди и пад на формата што го загрижува тренерскиот штаб.
Тренерот Алваро Арбелоа е главен заговорник за доведување на Ромеро. Тој верува дека аргентинскиот репрезентативец носи агресивност, карактер, сигурност и цврстина што ѝ недостасуваа на одбраната на Реал откако заминаа некои претходни лидери.
Доаѓањето на светскиот шампион би бил квалитативен скок што би можел да го преуреди целиот тактички систем.
Клубот го гледа Ромеро како совршено решение за пасивноста што скапо го чинеше тимот во Лигата на шампионите. Неговото вродено лидерство би го намалило притисокот врз помладите играчи кои не го издржаа притисокот што го носи белиот дрес.
Ова треба да биде стратешка инвестиција за доминација во срцето на одбраната во следната деценија.
Соочен со криза, претседателот Перез одлучи директно да интервенира со понуда од 100 милиони евра за да го скрши отпорот на Тотенхем.
Исто така, тие веруваат дека желбата на самиот играч да се пресели на „Сантијаго Бернабеу“ би можела да го олесни договорот што би ги срушил сите рекорди на зимскиот преоден рок. По срамот во Купот, навивачите бараат драстични промени, а раководството на клубот е решено да ги исполни нивните очекувања.
Перез е свесен дека трпението со сегашниот тим е при крај и дека само таков потег може да ја смири ситуацијата. Доколку трансферот се реализира, тоа ќе биде еден од најагресивните потези во поновата историја на зимскиот преоден рок и јасен знак за враќање кон политиката на големи инвестиции кога се заканува сезона без трофеј.
Foto/ depositphotos