Шон Дајч стана третиот менаџер кој е отпуштен од Нотингем Форест оваа сезона, откако ремито без голови против Вулверхемптон го остави клубот во тешка борба за опстанок во лигата.
Именуван минатиот октомври, Дајч ја доживеа истата судбина како Нуно Еспирито Санто и Ангелос Постекоглу. Кога го презеде тимот, Форест беше на два бода од безбедната зона, а тој го напушта додека клубот е три бода над зоната за испаѓање.
Дајч го водеше Форест во 25 натпревари со резултат од 10 победи, пет нерешени и 10 порази. 54-годишниот тренер го водеше клубот и до плејофот за Лигата на Европа, каде што следната недела ќе се соочат со Фенербахче. Првиот натпревар ќе се игра во Истанбул.
Клубот го потврди отказот во кратко соопштение. „Сакаме да им се заблагодариме на Шон и неговиот тим за нивните напори за време на неговиот престој во клубот и им посакуваме се најдобро во иднина“, се вели во соопштението. „Во овој момент нема да даваме понатамошни коментари.“
Англиските медиуми објавуваат дека Витор Переира е кандидат да ја преземе функцијата. Переира беше отпуштен од Вулверхемптон минатиот ноември по лошиот почеток на сезоната, иако Португалецот претходно го спаси истиот клуб од испаѓање откако ја презеде функцијата во декември 2024 година. Претходно работеше во Порто, Олимпијакос, Фенербахче, Коринтијанс, Фламенго.
Foto/ depositphotos