Шведска го освои златниот медал во крос-кантри екипниот спринт на 6 x 1,6 километри за жени.
Јона Сандлинг и Маја Далквист ја оправдаа улогата на први фаворитки. Тие поведоа практично на почетокот од трката и ја задржаа таа предност без многу проблеми. На крајот, ја поминаа целта со време од 20:29,99 минути.
Благодарение на неверојатната, последна измена, во која трчаше Надин Фендрих, Швајцарија стигна до сребрениот медал. Во финишот, таа дури и сериозно се приближи до Швеѓанките. Заостануваше само 1,5 секунди зад шампионките.
Третото место во фото-финишот го освои Германија, чиј тим го сочинуваа Лаура Гимлер и Колета Ризек. Тие ја оставија Норвешка зад себе во последните неколку сантиметри.
Трагедија им се случи на репрезентативките на Финска, кои беа втори пред последната промена, но Јасмин Кахара падна на последниот спуст и заврши на осмото место.
Foto/ EPA