Еван Фурние го одигра најдобриот натпревар во својата кариера во Евролигата и го предводеше Олимпијакос до убедлива победа од 104:87 над Фенербахче.
Францускиот бек постигна 36 поени и беше клучен фактор во триумфот на грчкиот тим, кој на тој начин стигна до резултат од 21-11 и го задржа второто место на табелата, веднаш зад Фенербахче (22-9), кој по девет последователни победи во Евролигата сега запиша два порази по ред, против Црвена звезда и Олимпијакос.
Фурније помош доби од Саша Везенков, кој додаде 24 поени, додека Тален Хортон-Такер беше најефикасен на другата страна со 30 поени, но тоа не беше доволно за гостите да избегнат пораз.
Натпреварот беше специфичен и затоа што некои играчи немаа право на настап, бидејќи овој меч беше одложен пред два месеци. Олимпијакос не можеше да смета на Монте Морис, Кори Џозеф и Тајрик Џонс, додека Фенербахче ги немаше Крис Силва и Нандо Де Коло.
Покрај тоа, турскиот тим беше дополнително ослабен поради отсуството на повредените Николас Мели, Девон Хол и Микаел Јантунен.
Foto/ EPA