Најдобриот тим на Истокот, Детроит Пистонс, ја запреа серијата од девет победи во која беа ЛА Лејкерс. Пистонс, изминатата ноќ славеа победа 113:110.
Пистонс, кои се без кандидатот за МВП Кејд Канингем, имаа водство од 16 поени во третата четвртина, Лејкерси се вратија имаа предност, но не успеаја да победат.
Лејкерс имаа предност на околу 30 секунди до крајот, но херој на Пистонс беше Џенкинс, кој со шест поени во тој период, и со промашувањето на Дончиќ, успеа да му донесе победа на својот тим.
Во последниот напад, Дончиќ промаши шут за три поени.
На крајот, Словенецот имаше 32 поени, седум скока и шест асистенции, но сето тоа го постигна со 11/29 од поле (38%).
Покрај него се истакнаа Остин Ривс со 24 поени и пет асистенции, Деандре Ајтон со дабл-дабл од 13 поени и десет скока и Леброн Џејмс кој речиси имаше трипл-дабл со 12 поени, девет скока и десет асистенции.
Во победничкиот тим, апсолутен херој беше Денис Џенкинс со 30 поени и осум асистенции (11/18), додека најдобро го следеше Џејлен Дурен со 20 поени и 11 скокови.
Резултати:
Мајами – Сан Антонио 111:136
/Пауел 21 – Вембањама 26/
Орландо – Индијана 126:128
/Банкеро 39 – Сиакам 37/
Филаделфија – Оклахома 103:123
/Еџкомб 35 – Гилџис Александер 22/
Атланта – Мемфис 146:107
/Александар Вокер 26 – Џексон 26/
Чикаго – Хјустон 132:124
/Секстон 25 – Дурант 40/
Јута – Торонто 127:143
/Бејли 37 – Берет 27/
Далас – Голден Стејт 131:137
/Флег 32 – Муди 23/
Портланд – Бруклин 134:99
/Авдија 18 – Камара 35/
ЛА Клиперс – Милвоки 129:96
/Ленард 28 – Трент 20/
Foto/ /depositphotos