Легендарниот голман на Баерн Минхен и германската репрезентација, Оливер Кан, го критикуваше Реал Мадрид по реваншот од четвртфиналето на Лигата на шампионите.
Баварците го победија Реал со 4:3 на „Алијанц Арена“ и со вкупен резултат од 6:4 поминаа меѓу четирите најдобри тима во Европа.
Ден, по реваншот во Минхен, најмногу се зборува за реакцијата на играчите на Реал и обвинувањата против судијата, Славко Винчиќ.
Во Мадрид веруваат дека словенечкиот судија е единствената причина за елиминацијата бидејќи му го покажа вториот жолт картон на Едуардо Камавинга, во 86-та минута кога гостите водеа со 3:2.
🗣️🎙️| Oliver Khan on Real Madrid players attitude:
“Things need to be done to stop this. They can’t keep getting away with it. It always end in chaos whenever things don’t go their way, they act like every correct refereeing decision should favor them.
And tonight was no… pic.twitter.com/pJs2Ylc3TK
— The football boy (@thefutballboy_1) April 15, 2026
„Нешто мора да се преземе за да се спречи ова. Не можат постојано да минуваат неказнато. Секогаш завршува со хаос ако работите не одат по нивно. Се однесуваат како секоја одлука на судијата да мора да биде во нивна корист“, рече Кан.
„Не беше поинаку и сега. Истото ни го правеа и претходно, го прават и сега. Тоа е неприфатливо и мора да престане. Искрено, тоа многу кажува за тоа како успеаја да освојат 15 титули во Лигата на шампионите.“
Foto/ Depositphotos