Светот на автомобилизмот го потресе веста за страшната несреќа на легендарната патека Нирбургринг, во која животот го загуби искусниот шведски ас Јуха Миетинен (67).
За време на официјалниот тренинг за претстојната трка на издржливост, се случи верижен судир на неколку супер автомобили што заврши фатално за шведскиот возач, додека шест други учесници завршија во болница.
¡Lamentable noticia desde Alemania! 😔
Se confirma el fallecimiento del piloto Juha Miettinen, tras el múltiple accidente durante la sesión clasificatoria de las #24hNBR
¡Descanse en paz! 🕊️ https://t.co/FkehkNgJBJ pic.twitter.com/3vY1oMBk0z
— 𝐃𝐚𝐧𝐢 𝐌𝐞𝐧𝐝𝐢𝐨𝐥𝐚 (@DanniMendiola) April 18, 2026
Како што објави „Гардијан“, актуелниот шампион во Формула 1, Макс Ферстапен, речиси се најде во епицентарот на настанот. Во моментот на несреќата, тој беше во својот автомобил на самиот излез од боксот, подготвен да го започне својот круг, но црвеното знаме го запре во последната секунда.
Дирекцијата на трката веднаш реагираше, запирајќи ја целата активност на патеката за да им овозможи пристап на спасувачките екипи. Иако службите за итни случаи пристигнаа до остатоците во рекордно време, повредите на Миетинен биле премногу тешки.
Лекарите во медицинскиот центар вложија максимални напори и се обидоа со реанимација, но набрзо можеа само да ја констатираат смртта на шеесет и седумгодишниот возач.
Sad news from Nurburgring.
Juha Miettinen has died following a multi-car crash in the ADAC 24h Nurburgring Qualifiers. Our thoughts are with his family and friends. pic.twitter.com/JpvwGjAQfM
— Motorsport (@Motorsport) April 18, 2026
Што се однесува до другите шест возачи кои учествуваа во овој верижен судир, тие по укажаната прва помош на патеката биле пренесени во блиските болници. Според последните информации од организаторите, ниту еден од нив не е во животна опасност и беа задржани само на детални превентивни прегледи.