По спектакуларниот пресврт против Англија и победата од 2:1, Аргентина се пласира во второто последователно финале на Светското првенство.
По зџавршувањето на натпреварот во Атланта, еден необичен детаљ привлече внимание.
Додека ја славеа победата, играчите на Аргентина го пронајдоа шишето на Џордан Пикфорд, на кое голманот залепил белешки за потенцијално изведување на пенали.
Снимките од ESPN го покажуваат Нико Гонзалез како му ги покажува на Лионел Меси упатствата што голманот на Англија ги имал за аргентинските изведувачи.
Реакцијата на Меси стана веднаш хит, бидејќи капитенот на Аргентина практично сè кажа со поглед.
Пикфорд имаше упатства за различни играчи на Аргентина. На пример, за Меси беше напишано дека, иако е левак, голманот треба да се фрли на десната страна.
Интересно е што имаше белешки дури и за Херонимо Руљи, резервниот голман на Аргентина.
🚨 𝗡𝗘𝗪: Lip readers have uncovered the DISCUSSION between Leo Messi, Nico González, Senesi, and an Argentina staff member after they stumbled upon Jordan Pickford’s water bottle, which contained a list of penalty takers for a potential shootout in the World Cup semi-final… pic.twitter.com/U0Kw5Jf98c
— The Footy Feed (@TheFootyFeed) July 16, 2026
Нико Гонзалез:
„Види што најдов. Има белешки за Лаутаро, Хулијан…
Член на стручниот штаб:
„Да, еве ги сите играчи“.
Лионел Меси:
„Што? И што значат овие белешки“?
Член на стручниот штаб:
„Сенеси, прочитај го… Зборуваш англиски“.
Маркос Сенеси:
„Тука пишува каде треба да се фрла голманот“.
Лионел Меси:
„Мислиш на голманот? Пикфорд“?
Маркос Сенеси:
„Да. За тебе, Лео, пишува дека се преправаш дека ќе шутираш лево, а потоа ќе шутираш десно“.
Лионел Меси:
„Значи, голманот многу добро проучил како изведувам пенали“.
Подоцна, се огласи и фитнес тренерот на Аргентина, Луис Мартин, објавувајќи фотографија од шишето на Инстаграм со пораката:
„Штета што немавме исти планови, човече“.
Аргентина избегна пенали, на крајот ја победи Англија и закажа големо финале против Шпанија во Њу Џерси.
Foto/ EPA