Доколку Фудбалскиот сојуз на Италија го одобри предлогот на Паоло Малдини, Андреа Пирло ќе биде новиот селектор на Аѕурите.
Новиот технички директор на Сојузот, прославениот Малдини, веќе ја донесе, засега, најважната одлука откако беше назначен на оваа важна позиција.
Неговиот избор за нов селектор е Андреа Пирло, пишуваат италијанските медиуми.
„Нема бел чад, а сè уште има време ранетиот италијански фудбалски тим да го пречека својот нов лидер на клупата. Но, на теренот сега има фиксна точка, или поточно, почетна точка: Паоло Малдини, техничкиот директор на „Аѕурите“, го именуваше Пирло како свој избор за иднината на националниот тим“, пишува „Газета дело Спорт“.
Малдини, секако, нема да го има последниот збор во оваа деликатна одлука во уште поделикатен момент за италијанската репрезентација.
Заедно со својот помошник Леонардо, тој имаше долг разговор со претседателот на Сојузот, Џовани Малага, кого мораше да го убеди зошто Пирло е најдоброто решение за селекторската функција.
Аргументите, секако, мора да бидат убедливи, бидејќи овој пат не може да има грешки. Уште една погрешна одлука може дополнително да го унзади националниот тим и да го оддалечи од големи резултати.
Тренерската кариера на Пирло не е ни приближно толку добра како неговата фудбалска кариера.
Тој започна со примавера тимот на Јувентус, продолжи со сениорскиот тим во сезона со која ја заврши нивната серија од девет последователни титули. Иако го освои Суперкупот и Купот на Италија, беше заменет токму поради загубената шампионска титула.
Потоа работеше во турскиот Карагумрук, а потоа во Сампдорија. Остана во двата клуба една сезона.
Моментално е менаџер на Дубаи Јунајтед.
Foto/ Depositphotos