Пари Сен Жермен и Монако официјално го потврдија трансферот на Магнес Акљуш во редовите на актуелните европски шампиони.
Преговорите меѓу двата француски клуба траеја неколку недели, а на крајот беше постигнат договор според кој ПСЖ ќе плати околу 50 милиони евра за 24-годишниот офанзивен играч од средниот ред.
Во четврток, Акљуш успешно ги помина медицинските прегледи и потпиша договор со клубот од Париз, во кој ќе го носи дресот со број 11.
Францускиот интернационалец пристигна како замена за Канг-ин Ли, кој ова лето се пресели во Атлетико Мадрид во трансфер вреден 40 милиони евра.
Акљушкариерата ја започна во Монако, за чиј прв тим одигра 139 натпревари. За време на престојот во овој клуб, постигна 23 гола и запиша 28 асистенции, етаблирајќи се како еден од најдобрите млади офанзивни играчи во францускиот фудбал.
Добрите игри во дресот на Монако му обезбедија и место во француската репрезентација, со која беше дел од тимот на Светското првенство во 2026 година.
Maghnes Akliouche rejoint le Paris Saint-Germain ! ✍️
Le Paris Saint-Germain est heureux d’annoncer la signature de Maghnes Akliouche. Le milieu de terrain de 24 ans s’est engagé avec le Club jusqu’en 2031. ❤️💙
🗞️ https://t.co/c9gfDqJYhm pic.twitter.com/Ctz49riVkY
— Paris Saint-Germain (@PSG_inside) August 6, 2026
Доколку тренерот Луис Енрике го вклучи во составот, Акљуш би можел да го има својот прв настап за ПСЖ веќе во сабота, кога Парижаните ќе се соочат со Манчестер Јунајтед во пријателски натпревар.
ПСЖ на тој начин продолжува да го засилува тимот пред новата сезона, во која ќе се обиде да ја одбрани титулата француски шампион и европската круна.
Foto/ Depositphotos