Доаѓањето на Бредли Баркола значеше и заминување на Коди Гакпо од „Енфилд“.
Иако од Ливерпул доби опција да остане во клубот, Холанѓанецот решил да замине.
„Атлетик“ пишува дека Гакпо им соопштил на клупските челници дека одлучил да се пресели на „Етихад“, по што двата клуба отвориле преговори за условите на трансферот.
Времето истекува, бидејќи летниот преоден рок во Премиер лигата се затвора во вторник, 1 септември, во 23 часот по британско време. Се претпоставува дека трансферот ќе изнесува меѓу 90 и 100 милиони евра.
Манчестер Сити има пари да ја реализира оваа зделка, заработи 274 милиони евра ова лето со продажбата на Савињо, Тижани Рејндерс, Родри, Нико Гонзалез, Џејмс Трафорд, Мануел Аканџи, Натан Аке и Иса Каборе.
Кога од таа сума ќе се одземат парите потрошени за засилувања, „граѓаните“ се во плус од 63 милиони евра.
Гакпо дојде во Ливерпул во јануари 2023 година за 42 милиони евра, за три и пол години во црвените одигра 182 натпревари, постигна 51 гол, имаше 24 асистенции и освои една Премиер лига и еден Лига куп.
Тој имаше значајна улога оваа сезона со Андони Ираола, на отворањето на сезоната во Њукасл го постигна израмнувачкиот гол во 55-та минута, а вчера му асистираше на Александар Исак за 1:1 во 60-та минута.
Foto/ Depositphotos