„Го презирав секој момент што го поминав на теренот“, живописно ги пренесе своите чувства Новак Ѓоковиќ од мечот, од првото коло од Отвореното првенство на САД.
По четири часа и 36 минути, тој загуби од Маријан оНавоне, 49-тиот тенисер на светот, со 7:6 (7-5), 5:7, 4:6, 6:2, 6:1
„Мислам дека беше очигледно дека се чувствував ужасно на теренот. За жал, се мачам со тоа повеќе или помалку во секој натпревар оваа година. Повраќам… тоа е сериозен проблем. После тоа, целото тело почнува да ми се распаѓа, грчеви, болки… На крајот ми откажа грбот, како и рамото“, рече Ѓоковиќ и додаде:
„Не можев да ја завршам работата. Имав брејк во четвртиот сет, но се мачев од четвртиот гем од мечот. Не сакам да му ги одземам заслугите, се бореше, тој е добро момче, борец, но не уживав…“
Кога го прашаа дали може да го реши проблемот со стомакот, Ѓоковиќ одговори:
„Не знам. Се обидувам. Ќе видиме.“
Новак не можеше да зборува за лекциите што ги научи во последните неколку месеци.
„Не можам да навлегувам толку длабоко во моментов. Сега размислувам што се случува и колку долго можам да одам вака.“
Новак вели дека размислувал да го предаде мечот.
„Размислував да се предадам, потоа го добив сетот, па и третиот. Можеби има шанса, си помислив. Потоа во четвртиот и петтиот, не сакав да се предадам, сакав да завршам.“
За прв пат во својата кариера, тој беше елиминиран во првото коло на Отвореното првенство на САД, никогаш не загубил пред третото коло.
„Горд сум на сите достигнувања во минатото, но сегашноста е сегашност.“
Ѓоковиќ истакна дека е благодарен на публиката за поддршката.
„Беа исклучително фини, благодарен сум што добив поддршка. Освен тоа, ништо друго не ми се допадна, всушност го мразев секој момент што го поминав на теренот, но публиката беше неверојатна: се обидуваа да ме подигнат во важните моменти и ми е жал што не одиграв како треба“, заклучи тој.
Foto/ EPA