Им нема крај на проблемите со повредите, со кои се соочува Јувентус. Последни на долгата листа се Зеки Челик и Нико Гонзалез.
Прегледите во клиниката на „J|medical club“, потврдија мала повреда на задниот дел од левата нога кај Челик, додека на Гонзалез му беше дијагностицирана мала повреда на десната потколеница.
Иако до крајот на сезоната остануваат повеќе од седум месеци, 16 играчи веќе поминале низ амбулантата на клубот од различни причини, пишува „Calciomercato“.
Станува збор за различни повреди, од многу тешки како оние на Камило Грабара и Мануел Локатели, до мускулен замор кај Вестон МекКени и Папе Сар, со голем број други случаи помеѓу овие две дијагнози.
Причините за толку долгата листа на повредени се различни. Станува збор за комбинација од трауматски повреди, како во примерите на Јилдиз и Консеисао, стари мускулни проблеми и помали тегоби што играчите ги донеле од претходни клубови, како што е случајот со Сар.
Сепак, можно е да се најде заеднички образец. Една од причините зошто Јувентус е тимот со најмногу повредени играчи во Серија А во последните години, а оваа сезона ситуацијата достигна рекордно ниво, веројатно се постојаните промени во тренинг центарот Континаса.
Исто како што Паратичи, Керубини, Џунтоли, Комоли и Карневали се менуваа во раководството, а Алегри, Сари, Пирло, а потоа Алегри, Мота, Тудор и Спалети се менуваа на клупата, турбуленции се случуваа и на позицијата фитнес тренер.
По петгодишниот мандат на Симоне Фолети помеѓу 2014 и 2019 година, од тогаш до денес, на таа позиција се наредија Лоси, Ранцато, Бертели, повторно Фолети, Колинет, Личини, Пертузио, Рањачи и сегашниот тренер Синати.
Таквиот недостаток на континуитет сигурно не придонесува за стабилноста на тимот.
Список на повредени играчи:
Жереми Бога (повреда на мускул)
Хуан Кабал (повреда на мускул)
Андреа Камбијасо (изместување на глуждот)
Зеки Челик (повреда на мускул)
Франциско Консеисао (исчашено рамо)
Џеф Екатор (двојна повреда на мускул)
Федерико Гати (проблем со глуждот)
Нико Гонзалез (повреда на мускул)
Камил Грабара (вкрстени лигаменти)
Рандал Коло Муани (скршен прст)
Мануел Локатели (менискус)
Вестон МекКени (замор на мускулите)
Арек Милик (проблем со мускулите)
Папе Сар (замор на мускулите)
Кефрен Турам (хондропатија на пателата)
Кенан Јилдиз (фрактура на петтата метатарзална коска).
Foto/ Depositphotos