Елитното кошаркарско натпреварување потврди дека од наредната сезона Евролигата ќе брои 18 екипи. По состанокот во Тел Авив, Евролигата, потврди дека лиценци за наредната сезона добиле Асвел и Баерн Минхен.
Овие два клуба од Евролигата добиле двегодишни лиценци, што значи дека во елитата од наредната сезона ќе се натпреваруваат 18 екипи.
Во моментов десет годишни лиценци за учество имаат ЦСКА Москва, Ефес, Фенербахче, Панатинаикос, Олимпијакос, Басконија, Реал, Барселона, Макаби, Армани Милано и Жалгирис.
Баерн и оваа сезона настапува во Евролигата, до која стигна со освојувањето на титулата во германското првенство.
Инаку, Асвел, ги исполниле сите барања на Евролигата, а наредната сезона тимот чии сопственик е славниот Тони Паркер, ќе има буџет од 12 милиони евра. Асвел последен пат во Евролигата играл во 2010 година.