По бројните честитки кои добитникот на Златната топка, Хрватот Лука Модриќ ги доби во изминативе денови, стигна честитка и од големиот спортски џентлмен и моментно најдобар тенисер на светот, Србинот Новак Ѓоковиќ.
„Сите честитки до драгиот Лука Модриќ за освоената „Златна топка“. Апсолутно заслужено. Ова е горд момент за цел наш регион кој го доби најдобриот фудбалер во светот“ – напиша Новак на неговиот Твитер профил.
Не е никакво изненадување фактот што Србин му честита на Хрват ако се знае дека Ѓоковиќ во текот на Светското првенство во фудбал во Русија цело време ја поддржуваше репрезентацијата на Хрватска.
Sve čestitke dragom Luki Modriću na osvojenoj Zlatnoj Lopti. Apsolutno zasluženo. Ponosan trenutak za naš region koji je dobio najboljeg fudbalera sveta ?? #BallonDOr pic.twitter.com/JMTpGJAftu
— Novak Djokovic (@DjokerNole) December 7, 2018