Ракометната репрезентација на Македонија ја забележа и втората победа во контролните мечеви со селекцијата на Србија. По синоќешниот триумф 37-31, во саботата, играчите на Раул Гонзалес славеа минимално 28-27.
Денешниот контролен меч помеѓу Македонија и Србија беше од затворен карактер, а го реши Филип Лазаров на десет секунди до крајот на мечот.
Најефикасни во македонскиот тим беа Пешевски со седум и капитенот Лазаров со пет гола, а на голот Митревски одбрани 13 удари.
Македонските ракометари до стартот на Светското првенство нема да одиграат ниту еден контролен меч. Првенството во Данска и Германија, Македонија ќе го отвори на 11.јануари против Јапонија.
фото/macedoniahandball.com.mk