Минхенски Баерн потешко од очекувањата извојува важна победа против Херта Берлин со 1-0. Избраниците на тренерот Ковач имаа голем број шанси пред голот на гостите, но само една вроди со плод. Голот вреден 3 бода за Баварците е дело на Хави Мартинез кој имаше одмерен удар со глава.
Со тешко извојуваните бодови, Баерн се израмни на чело на табелата со Борусија Дортмунд, но „милионерите“ имаат натпревар помалку.
Борусија Менхенгладбах загуби на домашен терен, убедливо со 0-3 од Волфсбург. „Волците“ поведоа со голот на Герхарт, а во вториот дел, два гола во мрежата на Борусија даде Адмир Мемеди.
Фрајбург со „петарда“ во мрежата го испрати Аугсбург. Нилс Петерсен беше стрелец на првиот гол, а Грифо зголеми на 2-0.
Повторно погоди Петерсен за 3-0. Четвртиот гол во мрежата на гостите беше дело на Валшмид, а последниот гол за домачините беше дело на Ниелдерхен. Почесниот гол за гостите беше дело на Рани Кедира.
Шалке со нов пораз во ова коло. Мајнц со 3-0 дома се погрижи Шалке да остане со празни раце и по ова гостување.
За домаќините Карим Онисво погоди двапати, а еден гол зад своето име запиша Филипе Матета.