Најдобриот играч и стрелец на Барселона, Лионел Меси, според годишните приходи е далеку пред конкуренцијата, објави специјализираниот фудбалски поратл „goal.com“. Зад Меси се Кристијано Роналдо, Нејмар и Антоан Гризман…
Меси, според годишните приходи е најплатениот светски фудбалер. Годишно од платата, бонусите и маркетингот тој заработува 130 милиони евра. Неговиот опонент од Јувентус, Кристијано Роналдо на годишно ниво инкасира 113 милиони евра. Блиску до овие двајца е ѕвездата на ПСЖ и поранешен соиграч на Меси, Нејмар, со заработка од 91,5 милиони евра.
Според приходите, следен на листата е Антоан Гризман од Атлетико Мадрид (44 милиони евра), а во Топ десет уште се Герет Бејл (Реал Мадрид/40,2), Андрес Иниеста (Висел Кобе/33), Алексис Санчез (Манчестер Јунајтед/30,7), Фелипе Кутињо (Барселона/30), Езекиел Лавеци (Хебеи/28,3) и Луис Суарез (Барселона/28).