Шпанска Валенсија во последното коло од Примера славеше гостинска победа кај Валјадолид со 0-2 и со тоа си обезбеди пласман во Лигата на шампиони идната сезона. Солер и Родриго беа хероите на Валенсија кои и донесоа важни 3 бода на екипата.
Иако до последно се надеваше на пласман во ЛШ, Хетафе остана со празни раце, па следната сезона ќе мора да се задоволи со настап во Лига Европа. Хетафе двапати водеше на мечот на домашен терен против Вилјареал, но на крајот мечот заврши нерешено 2-2.
„Друштво“ во ЛЕ на мадридскиот клуб ќе му прават Севилја и Еспањол. Андалузијците славеа со 2-0 против Атлетик Билбао, додека Каталонците беа поуспешни со истиот резултат против Реал Сосиедад.