Менаџерот на Манчестер јунајтед го критикуваше Хенрих Мхитарјан за неговиот пад во формата, додека шпекулациите велат дека Борусија Дортмунд се заинтересирани да го вратат ерменскиот репрезентативец.
Мхитарјан дојде во Јунајтед од Дортмунд во јули 2016 за 26.3 милиони фунти, и не беше во составот на тимот од Манчестер последните два меча. Мурињо вели дека перформансите на 28-годишниот играч „се намалуваат чекор по чекор“. Мхитарјан имаше 10 настапи во првите 11 меча од Премиер лигата, пред да биде изоставен од тимот по повлекувањето од игра во 62. минута при 1:0 поразот од Челси на 5 ноември.
„Не сум задоволен со неговите последни перформанси. Не се работи за еден или два натпревари, туку три, четири, пет… Започна добро, но неговите перформанси паѓаа чекор по чекор“, вели Мурињо.
Дортмунд од друга страна знаат да си ги вратат играчите кои претходно ги продале. Шинџи Кагава се врати во германскиот клуб во 2014 по две години во Манчестер јунајтед, Марио Геце дојде пак во Дортмунд во 2016 по три години во Баерн Минхен, додека Нури Сахин по една сезона во Реал Мадрид и една во Ливерпул се врати во 2014 година.